Gininisan Sala'
Leonardo Promon

1 Naa nandaw, baalen ku penenggi'an dun si Isis. 2 Penenggi'an ta, laak pigbelu'anen ig bata'u. 3 Dagid tamanen, pigbelu'anen da laak. 4 Dayun sug bata'u, pimesaitan ku. 5 Naa kia, melaati ma'ananen. 6 Iini ma'ananen, su tinalu' ne gulikay, inulikayan ko sug getaw migbelu' tug bata'u* 7 Naa kini, ndi' mpia penggulaulan, pu' mekesesala'. 8 Muka' padun ki tinalu' dalan sala', migininisan pekpuunanen. 9 Duuni sala' menempalaksa, duuni sala' matakapala, duuni sala' sapap. 10 Naa sa' mesala' ita di sapap, mekelelat ita gupia. 11 Pu' nda' da siai sala' ta, laak dagid pinepapan ita. 12 Kaas ki sapap, gembagel limbung. *13 Pu' su bayabaya nda'i sala' mu, baalan ka laak tekaw sala'. 14 Tatap menggulaula dun ini, su nga gukum melimbung, nga meliag menelapi'. 15 Laak dagid ki sapap, sa' metawa da sumbag dun,* ndi'a dadema mesala' dun.