Sug Betad Megbaal Gasi*
Entong Anulay
1 Megbaal ami tapay begas, ulemen se gebii.
2 Bena’ meluman sug begas, dayun lemugay sili, lempi,* tebu, gimit,*gekbus lindang,* lumbilan,* luya, payaw,* gamugamug.* 3 Tubus itu, biuun dayun. 4 Bena’ mbayu, sisigen, elapen sug duneken kitu ma’niin pulbus, mekaika’ dun gupia. 5 Dayun besa’ay tubig.* 6 Dayun engkagay.
7 Genat besa’ay, engkagen da puli’ adun memala. 8 Bena’ memala, mbaluy na mekebulek.*
9 Bena’ megangu na, megbaalgan ami dayun begas palay, dayun betangay tapay baalen dayun gasi.* 10 Bena’ dua’ gebii lengegay di tangkeb,* isenen na dayun dig bandi su gasi. 11 Duuni se bulan, aba,* gembisa na gupia, ma’niin na Kulapu,* mekebulek.
12 Pia inaan, metau ma dau duni tapay keni. 13 Muka’ gasi, metau dau dun padun.
14 Sug duma gasi, pitaunan. 15 Sa’ sepulu’ bulan atawaka setaun na genat baalayi gasi, ma’niin nug dugu’ ig liingen,* mbisa na gupia.
16 Lamug dun, lintek muka’ tapay, gemay, tutungen ig lintek, ngalanen limawan. 17 Naa, kitu gupia melengas. 18 Plai,* memut gupia, mbisa, dagid mekebulek.
19 Nda’idun na.
wine jar
bandi
